(door Herman Mateboer)

Et wördt oe langer oe gekker in Nederland. Veurege weke eurde ek op de radio dat et woord zigeunersaus niet meer gebruukt mag wördn, want et is discrimineernd. Dus toen ek deur de Albert Heijn leupe en in et vleis skap zigeunerschnitzels zage laegn eb ek die filiaalmanager es eempies goed de woar’eid ezaegt. ‘Ie bin ’n discrimineernde lamzak, ieë.’ Maer ek knipoogde d’r maer wel bi’j.

‘Now, zaeg ie gevat, ‘wat muu’k ze dan nuumn, zie bin emaekt van zigeuners, en die d’r noast van vaerkns, en die doarnoast van kalfsvleis.’ Dat was ’n grappeg antwoord op ’n graeppien, maer et is eigenlek diep triest, die politieke correctheid. De negerzoen is al uut ebaenn, en de joodnkoeke ook. Skoeln muun teegn de kerstdaegn uutkiekn met christeleke simbooln die ’n moslim ies konn irriteern. Doodmuu wör ie d’r van!

Ek zitte in ’n commissie die is ’n onderdiel van de ondernemingsraad van ons bedrief. Wi’j olln ons bezeg met hotels, catering, ’t noaleevn van de werk & rusttiedn regeling en wat al niet. Now adde wi’j van lest ’n discussie over de nevenfunctie regeling. Dat is ’n protocol veur de toelaagn veur meinsn met ’n nevenfunctie zoas instructeurs, examinators etc.

Dus ek zaege teegn de boas, in ’t kader van politiek correcte tael, ‘Wi’j em et altied over nevenfuncties, maer wi’j muun et ook ies em over nichtenfuncties.’ Ek zee et met ’n uutgestreekn gezechte. Doarumme wus ’n collega an d’aandere kaante van de toafel die zeer van de ‘herenliefde’ geporteerd was niet goed of ek now ’n graeppien maekte of dat ek serieus was, maer i’j vuulde zich skienber an espreukn. Dus ek wachtte stoïcijns op antwoord.

Hoofd Vliegdienst zee met ’n grijns dat wi’j dat mossn agendeern veur de vergaerege over twie moand, dan zol i’j ’n standpunt em. Want technisch espreukn is et gewoon zo, of niet soms? Et is veur de dames discrimineernd dat ze ’t altied em over nevenfuncties. En dan muun wi’j ook an achternevenfuncties, dat is iel correct, en um dat wi’j in Nederland zo onbenulleg braaf bin ontkome wi’j doar niet an.

Achterneven/nichten functie, soort Melkertbaene zeg maer.
Now wi’j toch bezig bin,  ’t Zwartewater et gewoon ’t Diep, want et is discrimineernd noar kraenwaeter, want dat is blaank. Blankenham muut umme edeupt wörn tot Veelkleurenham, of Kleurlozeham, Vroomshoop? Goddeloze bende. Wit Rusland? Gien neger te zien. Oeps, ek zee neger. Dat nuumde Martin Luther King zich zelf ook, maer now mag et niet meer. Zie’j wel wat er gebeurd? Zie bin allemoale knettergek!!