Contact formulier  |  info@genemuidenactueel.nl  |  RSS  |  Twitter  |  Mobiel  |  Red.
>>
dinsdag 14 oktober 2014
13e Jaargang... Update:
  Poorties ... »
Testosteron
maandag 08-04-2013
Column in het Genemuider dialect door oud plaatsgenoot

testabol_depot_bd_180Door Herman Mateboer

Dit ormoon ef ‘n ield dudeleke invloed op ons alledaegse leevn. Et is iets wat in de ersenen van de man wörd anemaekt. Et leg d’r ielemoale an in wat veur oeveelheedn bi’j elleke ofzunderleke man, en die produktie ef gelieke ’n weerslag op de leefumgeving van zo’n persoon. Een collega van mi’j zat teegn zien pensioen an toen ie zo iniens ’n grote Japanse noamaek Harley kocht. ‘Ja Herman, ik noem het maar het strik om de pik syndroom’ Aldus de collega.

‘Je weet dat je een ouwe lul aan het worden bent, en dan doe je vanalles om toch maar vooral te laten zien dat je wel nog een blitse vent bent.’ Kiek, doar e’j um, dat ormoon wat in et eufd wörd emaekt maer eigenlek zien uutweg viend deur et kruus. Met dat kleinere köppien wörd naemelek iel vule besleutn. Et was dezelfde collega, ’n ras Amsterdammer, die uutingen van overmatige aanwezigeid van testosteron altied ofdeed as de kompensasie veur ’n klein geskoapn gemag, of lid, zo u wilt. Dan zat ie ergns op ’n terraessien in ’n eksoties oord en dan reed d’r ’n mooie Ferrari of Lamborghini langes, de bestuurder trapte effn aerd op ’t gas, umme eevn an te geevn dat ie de absolute Alfaman was in dit gebied, en dan zee die Mokumer met zien mooie accent; ‘Rot op man met die patserige penisextensie.’ Ek adde ‘m dus wel tuk toen ek ‘m vreuge of i’j die strek umme zien piemel wel kwiet kon sinds dit soort aksies angeevn dat iemand niet groot eskoapn is. ’n Moter as penisextensie. Maer, en dat muut ek ‘m noageevn, et is ’n goeie Amsterdammer, die kan uutdieln, maer ook kan inkasseern. Want iel vule van dat vollek mag iederiene greeg op de akke neemn, maer as ze zellef an de beurte bin, ow maer. De weerld zol ’n minder openlek aggressieve plek weenn as vrouwn et wat meer veur et zaegn addn, oestrogeen regeerde in plaese van testosteron. Ek dinke dat wi’j gien oorloogn addn. Vrouwn zolln allieneg umme in eur eign kringn de pikorde te bepoaln op iele subversieve meniern bezeg weenn umme eur rang vaste te stelln. Keers lössn dat op met vuurpijln, foesters, tanks, bommn of de overtreffnde trap, rakettn. Gewoon BAM, d’eerste klap is ’n daelder weerd. Vrouwn bin subtieler. En dat snappn wi’j keerls dan weer niet. Doarumme is de vrouwe nog altied ’n kompleet mysterieus weezn veur vule mann, intimideernd soms. Wi’j wietn as keerls meer van noar de moane vliegn en eulie boorn op zes kilometer diepte dan van ’n vrouwe, de aandere vuufteg procent die deze aardkloot bevollekn. Ek dinke wel ies, die vrouwn muun zich wel ies ielemoale slaplachn as ze weer zien oe de gorillaachies met opgepompte börst aerdstekke aerd an ’t probeern bin te imponeern. En maer dinkn dat ze cool bin. ’n Amerikaan sprak ooit de mooie leevnswies-eid; ‘Et get niet umme wat er onder de moterkappe zit, maer um al de mijln die aa’j d’r mee maekn.’ En zo is ’t wel, want aa’j et zo bekiekn, now, dan kump testosteron de graezie ielemoale niet uut…

Gepubliceerd op: maandag 08-04-2013 door Willem Timmerman. 3356 keer gelezen..

Reageren is slechts toegestaan voor geregistreerde bezoekers.

(Advertentie)

Meer columns:

Herman Mateboer:

Jannie Bakker:

Flip Visscher:

(Advertentie)

Wie is Online ?..

Nu online: 5 bezoeker(s)
LEDEN LOGIN
Inloggen





(Advertenties)

(Advertentie)

Pagina gegenereerd in 0.0306 s. | Webmaster:Redactie | disclaimer | login