Contact formulier  |  info@genemuidenactueel.nl  |  RSS  |  Twitter  |  Mobiel  |  Red.
>>
dinsdag 14 oktober 2014
13e Jaargang... Update:
Jonges
maandag 19-05-2008
Gællemuniger column in het dialect

Door: Jannie Bakker

 

Wie ef d’r eigenlijk uut-evunden dat jonges van rond de twintig wel zelf eur garderobe kunnen be-eren? Ek bedoele: wie ef bedacht dat zokke jonges wel elke moand wat geld opzied zullen zetten um, as et neudig is, een ni-je broek te kunnen kopen? Of, nog ærger, een keer een weekend níet zullen goan stappen umdat ze an een jasse toe bin?
Zo wærkt dat niet bi-j jonges. Meiden, dat is een aander verael, mær bi-j jonges niet. Jonges stellen prioriteiten. Die kieken op zoaterdagoavmd in eur pottemenee, zien dat ze nog íen bankbiljet te spendieren ebben, overwegen dat de

kledingzaeken dechte en de kroegen lös bin en besluten dan dat ze dus beter noar een kroeg dan noar een winkel kunnen goan. En de volgende  zoaterdagoavmd dan zien ze wel weer. Zo ook onze vierde. Toen wi-j op zien achttiende verjoordag onze kienderbi-jslag in mossen leveren veur zien studiefinanciering, maekten wi-j de ofsproak dat ie vanof dat moment zelf zien kleren zol kopen. Now, dat leek em, gezien et fortuin dat ie elke moand zol beuren, gien enkel probleem!
En et eerste joor bin d’r ook weinig problemen. I-j ef kleren genog um et een posien uut te zingen en gebruukt zien studiefinanciering veur neudiger dingen zoas feesten, uutgoan, vekaansie en ontspanning. Mær noa een joor begint et wat te kniepen. In zien t-shirts valen zomær kleine gaeties en de knieën van zien broeken wörden zo vael. Gien nood, i-j is toch jorig en vrög veur zien negentiende verjoordag een ni-j stel kleren, dat ie onmiddellijk ’s zunnes en deur de weke antrækt.
Even is de druk weer van de ketel. Totdat senior mi-j op een oavmd smekend vrög die jonge ies wat ni-je onderbroeken te kopen, want now zöcht ie steeds de mooisten uut et staepeltien van zien vaeier. Sokken etzelfde verael: senior sjouwt die met de dunne akken of en nummer viere zörgt dat de ni-je sokken van zien vaeier weer dunne akken kriegen. Ek goa overstag. Goed, ék zal veur de sokken en et ondergoed zörgen, mær de rest is toch æcht veur emzelf!
Noa een ærnstig gespræk get et weer even goed. Van de eerstvolgende studiefinanciering kocht ie een paer goeie foebalskoenen en de moand doorop een ni-j trainingspak. Dat de raefels onderan zien spiekerbroek iets van franjes kriegen en ook zien beste shirt now begint te lubberen liekt ie niet te mærken. En aa’k d’r veurzechtig wat van zaege dan is et míen probleem: ék ærgere mi-j d’r an, em kan et niet skelen!
As ie op een goeie dag æchter mee wil noar een femiliefeest in een broek woor aa’j van achteren wel deur èn kunnen kieken is bi-j mi-j de moate vol. Goed, as et dan mien probleem is dan zal ek et oplössen! Mee noar de winkel!
Ek zie em eimelijk gniffelen: de anolder wint! Wi-j keuren en i-j past en de keuze vælt uuteindelijk op een leuke broek, een frisse blouse en een mooi vest. Nummer viere glimt now openlijk: die mamme toch, zie kan et ook niet loaten! Ek rekene of en thuus wil ie de ni-je kleren derect antrækken. Mær dat is mien bedoelige niet! Neks antrækken, disse kleren bin van mi-j, ék eb ze betaeld! Ek ange ze dus in míen kaste! As i-j ni-je kleren wil ebben kocht ie ze zelf mær, en aanders löp ie mær deur in die versleten broeken en verwassen shirties, totdat ze uut mekaere valen um mien pært!
Allienig as ie met mi-j op stap get, dan zal ie d’r netties uutzien.
Dan mag ie mien kleren an.
Ziezo. Probleem op-elöst!

Gepubliceerd op: maandag 19-05-2008 door willem. 4995 keer gelezen..

Reageren is slechts toegestaan voor geregistreerde bezoekers.

(Advertentie)

Meer columns:

Herman Mateboer:

Jannie Bakker:

Flip Visscher:

(Advertentie)

Wie is Online ?..

Nu online: 5 bezoeker(s)
LEDEN LOGIN
Inloggen





(Advertenties)

(Advertentie)

Pagina gegenereerd in 0.0483 s. | Webmaster:Redactie | disclaimer | login