In de rubriek ‘ZOGEZÆGD’ vien ie elke weke een typisch Gællemuniger uutdrukkige, mét verklorige. Et criterium 'typisch Gællemunigers' kump kræk: de uutdrukking mag niet veurkomen in et grote, driedielige woordenboek van Van Dale, en door stoan d’r iel vule in! Oewel d’r inmiddels al iel vule uutdrukkigen verzaemeld bin (meer as 300!) zol et leuk wezen as lezers meewærkten an disse rubriek deur Gællemuiniger uutdrukkigen (mét betekenis!) noar disse website te mailen.
De uutdrukkigen muun an de volgende eisen voldoen:
- Zie muun typisch Gællemunigers weezn, dus niet in Van Dale stoan.
- Zie muun algemien in gebruuk wezen of ewest em, dus gien femilie-uutdrukkigen (thuistaal)
- Et muun æcht spreekwoorden of uitdrukkingen wezen, niet allienig mær een zegswieze of gezegde met íen Gællemuniger woord erin.
Níet in aanmerking komen dus:
- 'Een keerl as Kærst'
- 'de eerappels overangn'
- 'allemoale belæggies'.
Iel mooi zol wezen:
- 'Ie bin boas woor as de bessemstok stet'
- 'Door kump een skip met zoere appels an'
ware et niet dat disse twie dus wel in Van Dale stoan.
Doet oen best en wi-j wensen oe vule plezier met disse rubriek!

^{Taelkrink: Jannie Bakker}