Contact formulier  |  info@genemuidenactueel.nl  |  RSS  |  Twitter  |  Mobiel  |  Red.
>>
dinsdag 14 oktober 2014
13e Jaargang... Update:
Leevn van de lucht
vrijdag 16-09-2011
Column van Herman Mateboer

GENEMUIDEN - Veurege weke waar’ ek in Gaellemuun op de brullefte van mien neve Eef en zien vrouwe Annemarie. De leste keer dat ek in de zael achter Hotel ’t Zwartewater ware was toen Gait de Korre trouwde. Ek muut zaegn, zie em d’r absoluut wat fraais van emaekt! In dit etablissement vreug ’n femilielid mi’j woar as ie mos beginn as ie piloot wilde wörn. Ek advisere altied um eerst de weg via de Krijgsmacht te goan. Een selectie bi’j de Luchtmacht begint met ’n uutgebreide keuring, as ie doar deur en koomn, dan bi’j ook goed genog veur de civiele luchtvoart. 

Koom ie ielemoale deur de selecties dan ku’j op ’n F16 goan vliegn, en betaeld Vadertje Staat al oen brevettn. Maer de Luchtmacht en marine em ook vuule aandere soortn vliegtuugn en elikopters.  Noa een contractperiode van dek tien joar kun ie zaegn ‘ek stappe op en goa noar de burgerluchtvoart’. Koom’ie niet deur de selectie maer wel deur de mediese keuring, dan ku’j alsnog oen geluk bepruuvn in de burgerluchtvoart. Men neme mee: HAVO, wiskunde en Engels, en soms ook nog natuurkunde. Get de militaire mediese keuring niet goed, dan is d’r nog gien man overboord, ie kunn altied de weg van de Nederlandse vliegskoele nog probeern, de vliegmedische latte leg ier net wat minder oge. Maer bi’j kleurnbliend, vlieg ie al in de gedienn as op d’eerste moandag van de moand de alarmsirene ofget, of ie em ’n brille van meer as min vieve, dan zol ek mi’j ies achter d’oorn kraabn.

Zol ie toch de weg van de civiele luchtvoart willn volgn, dan bin d’r in Nederland genog opties. Reeknd d’r op dat ie ongeveer ’n ton an euro’s neudeg em. Koom’ie deur zo’n selectie dan ef ’n vliegskoele oaste altied ’n regeling met ’n bank umme dit bedrag te financiern.

Maer, wie zeg dat ie piloot willn wörn, miskien wil ie wel in de cabine, as steward of stewardess, miskien wil ie wel sleuteln an vliegtuugn as GrondWerktuigKundige, of lek oe de logistieke kaante van et vrachtareaal (miskien wel ’t grootste van Europa) op Schiphol oe wel wat? Schiphol is ’n zaeknstad woar meer dan vuuftegduuznd man ’n baene ef, direct of indirect met de luchtvoart verbundn. En d’r is altied werrek, d’r bin altied vacatures.

De vroage is wil ie oen vleugels uutsloan of wil ie in Gaellemuun blievn? Iel vuule meinsn bin meer dan content umme lekker in Gaellemuun  te blievn. Ons kent ons, kleinskaleg, overzichteluk, aerstekke mooi. Ek kwame twie joar geleedn op de Biestemerrek ’n olde bekende teegn die zee;’Ek bin gewoon ’n amstertien, elleke dag draei ek mien rundties in de meule, en ek viene et best zo’. Prima, whatever makes you happy!  Maer as ie verder op willn, d’r op uut, dan is dit iene van de richtingn die as ie op kunn’. Et is ’n wiede weerld, van raere tiedn, en allerlei slag meinsn, snel, dynamisch, oe de pootn uut et lief loopn en dan weer ’n tied zittn wachtn,  gien dag is et zellefde!

Anstoande zoaterdag, 17 september, is d’r in ’t Aviodrome op Lelystad vliegveld ’n luchtvaart beroepen markt. Ier kan iederiene zien lecht opsteekn, en tegelieke ies deur dit mooie museum loopn. Ek zol zaegn, goat ies kiekn. Ie muun neks, ie oevn neks, maer et kan nooit kwoad de orizon wat te verlaegn!

www.aviodrome.nl

Gepubliceerd op: vrijdag 16-09-2011 door Klaas Noordstra. 5417 keer gelezen..

Reageren is slechts toegestaan voor geregistreerde bezoekers.

(Advertentie)

Meer columns:

Herman Mateboer:

Jannie Bakker:

Flip Visscher:

(Advertentie)

Wie is Online ?..

Nu online: 4 bezoeker(s)
LEDEN LOGIN
Inloggen





(Advertenties)

(Advertentie)

Pagina gegenereerd in 0.034 s. | Webmaster:Redactie | disclaimer | login